Apa itu Maluku ? Apa itu satu ?
Apa Nunusaku ? Apa hati batu ?
Apalai guling sudara bikin jatu
Pica sambilang lima jadi sapuluh satu
Dari bermula tolak sekolah
Sambunyi hidop bae, macam deng lola
Merdu game-game panggil para maueng
Lebe parcaya orang laeng buang tali kaeng
Pameri jalang bikin bae par maraya nae
Sapa yang mo nae lae kele nae bikin bae
Bikin bae jang tarbae jangang bikin rusak
Kalo laeng deng laeng su bikin gae
Sei hale hatu, hatu lisa pei
Sei lesi sou, sou lisa ei
Sapa bale batu, batu gepe dia
Sapa langgar sumpah, sumpa bunu dia
Lawamena ! Resi-resi o
Lounusa ! Resi-resi o
Lawamena ! Resi-resi o
Lounusa ! Resi-resi o
Pata Siwa, Pata Lima
Siwalima akang ada bukang par cuma-cuma
Dolo akang rasa, sakarang seng sama
Lupa siwa lima, lupa ina ama
Donci kas hidop hati barsi yang su mati
Bacari-cari arti kas nae poro kamboti
Ba lur kiri kanang simpan dalang tangan
Tar mau tau loko babuang sagu satumang
Rabe biji mata, buka la lia
Tar bisa ilang malakat batu deng bia
Lalu kanapa ? La ada apa ?
Sungsang sandiri seng mau tau sapa-sapa
La bataria leka, heka-leka
Bunu lahir baru suka ganti duka
Moyang bataria samua sia-sia
Lebe bae Nunusaku ilang dari dunia
